“Хелсинг” университетінің оқытушылары мастер-класс өткізді

Қазан айының 22 – 26 аралығында Астана қаласында «Мейіргер ісіндегі дәлелді мейіргерлік практика мен мейіргерлік зерттеу» тақырыбында мастер- класс өтті. Мастер-классты Финляндияның “Хелсинг” университеті оқытушылары Паула Викберг-Алтонен мен Евилина Кивинен жүргізді.

Финлянданың мамандары өткізген  мастер-класс барысында мейіргерлік практикадағы мейіргерлік зерттеудің маңызы, ғылыми мақалаларға ұтымды  шолу жасау, ғаламтордағы “Кохран” кітапханасы секілді кітапханалардан мағлұмат алу, логикалық ой-өрісті кеңейту және тағы басқа өзекті тақырыптарды қозғады.

Мастер-классқа Қазақстанның барлық өңірлерінен Қолданбалы бакалавр дәрежесіндегі студенттерді оқытатын жоғары медициналық колледж оқытушыларынан бөлек, бас мейіргерлер мен аға мейіргерлер де       қатысты. Ал Республикалық жоғары медициналық колледжінің атынан оқытушымыз Еркинов Кайсар Еркинұлы қатысып, тәжірибе алмасып келді.